Yolun ortsında avtomobili park edib getdilər: tıxac yarandı - VİDEO

Bakı şəhərinin mərkəzi küçələrindən birində, yolun ortasında park edilən iki avtomobil digər sürücülərə çətinlik yaradıb.
Avtosfer.az xəbər verir ki, bu barədə saytın qaynar xəttinə izləyicilərimiz tərəfindən şikayət daxil olub. Belə ki, 99-KZ-208 dövlət nömrə nişanlı, “Hyundai” markalı və 99-GZ-898 dövlət nömrə nişanlı “Volkswagen” markalı avtomobillərinin sürücüləri dayanma-durma qaydasını kobud şəkildə pozaraq yolu “işğal ediblər”.
Qeyd edək ki, İnzibati Xətalar Məcəlləsinin 346.1 maddəsinə əsasən sürücü dayanma və ya durma qaydalarını pozmağa görə iyirmi manat məbləğində cərimə edilir.
Fərid