Abşeronda 36 yaşlı qadın yol-nəqliyyat hadisəsində xəsarət aldı

Abşeron rayonunda xəsarətlə nəticələnən yol-nəqliyyat hadisəsi baş verib.

Avtosfer.az-ın məlumatına görə, hadisə Xırdalan şəhərində qeydə alınıb.

Yolu keçən 1984-cü il təvəllüdlü Hüseynova Nigar Böyükxan qızını minik avtomobili vurub. Ağır bədən xəsarətləri alan yaralı təcili yardımın köməkliyi ilə xəstəxanaya çatdırılıb. Müayinə zamanı ona açıq kəllə-beyin travması və bədənin müştərək travması diaqnozları qoyulub.

Faktla bağlı araşdırma aparılır.