Aeroport yolunda qəza: Maşın arakəsməyə çırpıldı, sürücü yaralandı - VİDEO

Paytaxtın Xəzər rayonu, hava limanı yolunda yol-nəqliyyat hadisəsi baş verib.

Avtosfer.az-ın məlumatına görə, qəza aprelin 13-də günorta saatlarında qeydə alınıb. Belə ki, hərəkətdə olan 10-OL-130 dövlət nömrə nişanlı “Mercedes” markalı avtomobil qəzaya uğrayıb. İddialara əsasən, qəzaya səbəb sürücünün qəfil idarəetməni itirməsi olub. Nəticədə yoldan çıxan maşın dəmir arakəsməyə çırpılıb. Hadisə zamanı maşına maddi ziyan dəyib, sürücü ayağından xəsarət alıb. Ərazidən keçən sürücülər qəza törədən şəxsə yardım ediblər.

Faktla bağlı araşdırma aparılır. 

Nərmin