Ağır yol qəzası – 3 ölü, 26 yaralı

Ukraynanın işğal altındakı Donetsk vilayətində avtobusun qəzaya uğraması nəticəsində üç nəfər ölüb.

Avtosfer.az “Report”a istinadən xəbər verir ki, bu barədə Rusiyanın “Interfax” agentliyi məlumat yayıb.

“Donetsk Xalq Respublikasında avtobus qəzası nəticəsində üç nəfər həlak olub, 26 nəfər yaralanıb”, – agentlik qeyd edib.

Xatırladaq ki, Ukraynanın Donetsk vilayətinin böyük hissəsi 2014-cü ildən rusiyapərəst separatçıların nəzarətində olub. 2022-ci ildə isə Rusiya regionu ilhaq edib. Beynəlxalq ictimaiyyət seçkilərin nəticələrini tanımayıb.