Almaniyada avtomobil piyadalara çırpılıb

Almaniyanın Kempen şəhərində avtomobil yoldan keçən piyadaları vurub, nəticədə bir nəfər ölüb, azı üç nəfər ağır xəsarət alıb.

Avtosfer.az APA-ya istinadən xəbər verir ki, bu barədə “Bild” qəzeti məlumat yayıb.

Məlumata görə, hadisə təxminən 16:36-da (Bakı vaxtı ilə 19:36) radələrində baş verib. Bildirilir ki, naməlum səbəblərdən avtomobil yoldan səkiyə çıxaraq orada olan insanlara çırpılıb. Zərərçəkənlər helikopterlə xəstəxanaya aparılıb. Ölən şəxsin uşaq olduğu deyilir.