Avtobus ağaca ÇIRPILDI: 8 nəfər ölüb - FOTO

Tailandda avtobusun ağaca çırpılması nəticəsində azı səkkiz nəfər ölüb.

Avtosfer.az “Report”a istinadən xəbər verir ki, bu barədə “Khaosod” qəzeti məlumat yayıb.

Nəşrin məlumatına görə, qəza yerli vaxtla saat 19:30-da (Bakı vaxtı ilə 16:30) Suratthani əyalətində baş verib. Avtobus krallığın cənubunda yerləşən Yala əyalətinin Betonq şəhərindən Banqkoka gedirdi. Avtobusda 30 sərnişin olub.

Tailandın Yol-nəqliyyat hadisələrinin qabaqlanması idarəsinin məlumatına görə, Yeni il bayramı günlərində beş gün ərzində yollarda ölənlərin sayı 215 nəfərə çatıb, 1,3 mindən çox insan xəsarət alıb.

Qəzaların əsas səbəbləri sürət həddinin aşılması, sərxoş vəziyyətdə avtomobil idarə edilməsi və hərəkət zolağının pozulması olub. İnsidentlərin əksəriyyəti motosikletçilərin iştirakı ilə baş verib.