Avtomobil beton maneəyə çırpıldı, sürücü yaralandı

Neftçalada bir nəfərin xəsarət alması ilə nəticələnən yol qəzası olub.

“Report” xəbər verir ki, hadisə rayonun Kürkəndi kəndində baş verib.

Həmin kəndin sakini, 1997-ci il təvəllüdlü Cəfərov Sənan Zakir oğlu idarə etdiyi “Mercedes” markalı minik avtomobili ilə hərəkətdə olarkən anidən idarəetməni itirib və avtomobili yolun kənarındakı beton maneəyə çırpıb.

Nəticədə müxtəlif xəsarətlər alan sürücü Salyan Mərkəzi Rayon Xəstəxanasına çatdırılıb.

Faktla bağlı araşdırma aparılır.