Azərbaycan vətəndaşları dəhşətli qəzaya düşdü - ölənlər var

Rusiyanın Saratov vilayətində Azərbaycanın iki vətəndaşının ölümü ilə nəticələnən yol-nəqliyyat hadisəsi baş verib. Avtosfer.az apa-ya istinadən məlumatına verir ki, hadisə fevralın 21-də səhər saatlarında Saratov-Tambov yolunun 118-ci kilometrliyində, Malinovka kəndi yaxınlığında qeydə alınıb. "Chevrolet Aveo" markalı avtomobillə "VAZ-2104" markalı avtomobil toqquşub. Nəticədə "VAZ-2104"-də olan iki azərbaycanlı, "Chevrolet Aveo"-da olan 5 sərnişindən 3-ü hadisə yerində dünyalarını dəyişiblər. İki nəfər sərnişin isə ağır vəziyyətdə xəstəxanaya çatdırılıb. Hadisəyə səbəb kimi dumanlı hava şəraiti və "Chevrolet Aveo"-nun azərbaycanlının idarə etdiyi "VAZ-2104" avtomobilinin yoluna çıxması olub. Faktla bağlı cinayət işi açılıb, araşdırma aparılır.