Azərbaycana bahalı maşınlar gətirən sürücü bu ölkədə qəzaya düşdü - VİDEO

Gürcüstandan Azərbaycana avtomobil gətirən həmyerlimiz qəzaya düşüb. 

Avtosfer.az-ın məlumatına görə,hadisə dekabrın 19-da səhər saatlarında qeydə alınıb. Belə ki, hərəkətdə olan RA-707-FE Gürcüstan nömrəli “Mercedes” markalı avtomobil daşıyan yük maşını yol kənarına aşıb. İddialara əsasən, qəzaya səbəb yüksək sürət həddi olub. Nəticədə qoşqudan ayrılan yük maşını və daşıdığı iki avtomobilə maddi ziyan dəyib. Lakin avtomobilin qoşqusu və üzərindəki digər nəqliyyat vasitələri aşmayıb. Sürücünün xəsarət almadığı bildirilib.

Qeyd edək ki faktla bağlı araşdırma aparılır. 

Nərmin