Azərbaycanda dəhşətli qəza - "X5" mikroavtobusa çırpıldı, yaralılar var

Sabirabadda minik avtomobili mikroavtobusla toqquşub. Avtosfer.az qafqazinfo-ya istinadən xəbər verir ki, hadisə rayonun Qarağac kəndində qeydə alınıb. Belə ki, "Mercedes" markalı mikroavtobus yol kənarında dayanan zaman sürətlə hərəkət edən "BMW" markalı minik avtomobili ona çırpılıb.

Qəza zamanı 3 nəfər Sabirabad rayon sakinləri - 1968-ci il təvəllüdlü Məmmədov Pərvər Sabir oğlu, 1983-cü il təvəllüdlü Abbasov Vasif Ələsgər oğlu və 1956-cı il təvəllüdlü Bayramova Əsmayə Xanbala qızı müxtəlif dərəcəli bədən xəsarətləri ilə Şirvan Şəhər Mərkəzi Xəstəxanasına çatdırılıblar.

Faktla bağlı araşdırma aparılır.