Bakı-Qazax yolunda ağır qəzada 3 nəfər öldü

Bakı-Qazax magistral yolunun Goranboy rayonu Borsunlu kəndi ərazisindən keçən hissəsində ağır yol qəza hadisəsi baş verib. APA-nın bölgə müxbirinin verdiyi xəbərə görə, Gəncə istiqamətində hərtəkətdə olan “Hyundai ix 35” markalı avtomobil eyni istiqamətdə hərəkət edən “VAZ 21011”-ə çırpılıb. İlkin məlumata görə, qəza nəticəsində “VAZ 21011”-də olan üç nəfər ölüb. Qəza baş verən an əks hərəkət zolağında daha 3 maşın, “Mersedes”, “Opel”, “VAZ-2106” markalı avtomobillər toqquşub. Ölən şəxslərin kimliyi müəyyənləşdirilir.

Faktla bağlı Baş Dövlət Yol Polisi idarəsində araşdırma aparılır.