Bakıda 10 yaşlı uşağı avtomobil vurdu - Piyada zolağında

Bakıda xəsarətlə nəticələnən yol-nəqliyyat hadisəsi baş verib.

Avtosfer.az  “Report”a istinadən xəbər verir ki, hadisə paytaxtın Sabunçu rayonunda qeydə alınıb.

Belə ki, Məhəmmədi dairəsində, 2011-ci il təvəllüdlü Səfərli Rüqəyya Elməddin qızı piyadalar üçün nəzərdə tutulan zolaqdan keçərkən avtomobil onu vurub.

Yaralı təcili tibbi yardım briqadasının köməkliyi ilə xəstəxanaya çatdırılıb.

Ona oturaq sümüyünün qapalı sınığı diaqnozu qoyulub, uşaq artıq şöbəyə yerləşdirilib.

Faktla bağlı araşdırma aparılır.