Bakıda 380 minlik avtomobil bu hala düşdü – FOTO

Paytaxtda kəskin hava şəraiti bir sıra fəsadlar törədib. Avtosfer.az oxu.az-a istinadən xəbər verir ki, fevralın 21-i güclü küləyin əsməsi nəticəsində Yasamal rayonu ərazisində Bəsti Bağırova küçəsindəki binalardan birinin üzlük hissəsi qoparaq 90 MD 721 dövlət nömrə nişanlı “Mercedes Benz S class” markalı avtomobilin üstünə düşüb. Məlumata görə, iri daş parçasının bahalı avtomobilin üstünə düşməsi nəticəsində nəqliyyat vasitəsinə ciddi ziyan dəyib. Zərbə o qədər güclü olub ki, “Mercedes Benz S class” markalı avtomobilin ban hissəsi tamamən dağılıb. Qeyd edək ki, “Mercedes Benz S class”ın qiyməti komplektasiyasından fərqli olaraq 250 000 - 365 000 ABŞ dolları (383 000 AZN) təşkil edir.