Bakıda ağır qəza, dəhşətli tıxac və yaralı

Bu gün saat 16 radələrində Qaradağ rayonu ərazisində ağır yol qəzası baş verib. hadisə şahidlərinin Lent.az-a verdiyi məlumata görə, Kənar Dairəvi yolda, «Sədərək» ticarət mərkəzinin yaxınlığında betonqarışdıran yük maşını aşıb. Qəza nəticəsində avtomobil tamamilə yararsız vəziyyətə düşüb və sürücü ağır vəziyyətdə xəstəxanaya aparılıb. Hadisə yerində təhlükəsizlik tədbirləri görülüb. Qəzanın səbəbi araşdırılır.

***

1980-cı il təvəllüdlü Azər Babayevin idarə etdiyi “KamAz” markalı, 10 NL 413 nömrə nişanlı betonqarışdıran maşın idarəetməni itirərək aşıb. Hadisə nəticəsində avtomobilin sürücüsü ağır yaralanıb. Sürücü xəstəxanaya yerləşdirilib. İlkin ehtimala görə, avtomobil yüksək sürətlə hərəkət edərkən idarəetməni itirib. Hadisə nəticəsində yolda böyük tıxac yaranıb.