Bakıda avtomobil aşdı: ölən və yaralanan var

Bakıda ölümlə nəticələnən yol-nəqliyyat hadisəsi baş verib. Lent.az-ın məlumatına görə, Nərimanov rayonu ərazisində, Məmməd Araz küçəsi 70 ünvanının qarşısında Andrey Koçernikov idarə etdiyi "Niva" markalı minik avtomobilini aşırıb. Nəticədə avtomobilin sürücüsü dünyasını dəyişib. Sərnişin Elman Həsənov isə müxtəlif dərəcəli bədən xəsarətləri ilə xəstəxanaya yerləşdirilib. Faktla bağlı araşdırmalar aparılır.