Bakıda avtomobil gənc oğlanı vurub

Bakının Suraxanı rayonunda yol-nəqliyyat hadisəsi zamanı bir nəfər ağır xəsarət alıb.

Avtosfer.az APA-ya istinadən xəbər verir ki, hadisə paytaxtın Atamoğlan Rzayev küçəsində qeydə alınıb.

Belə ki, 2004-cü il təvəllüdlü Qurbanov Fərid Azər oğlu yolu keçərkən onu minik avtomobili vurub.

Yaralı ağır vəziyyətdə xəstəxanaya yerləşdirilib.

Faktla bağlı Suraxanı Rayon Polis İdarəsində araşdırma aparılır.