Bakıda avtomobil idarəetmədən çıxaraq aşıb - FOTO - VİDEO

Sabunçu rayonunda bir nəfərin xəsarət almasına səbəb olan yol-nəqliyyat hadisəsi baş verib.

Qəza Rüstəm Rüstəmov küçəsində qeydə alınıb. “Mercedes” markalı minik avtomobilinin sürücüsü küçə ilə yüksək sürətlə hərəkətdə olarkən idarəetməni itirib. Bu zaman nəqliyyat vasitəsi əvvəlcə səkiyə çırpılıb. Daha sonra yol kənarındakı hasarı dağıdaraq aşıb.

Qəza zamanı xəsarət almış sürücü xəstəxanaya çatdırılıb. Əraziyə DYP və təcili tibbi yardım briqadasının əməkdaşları cəlb olunub.

Hadisənin təfərrüatı araşdırılır.