Bakıda avtomobil kişini vuraraq öldürüb

Bakıda yol qəzası baş verib.

Bu barədə Avtosfer.az-a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, dekabrın 4-ü saat 21 radələrində paytaxtın Nizami rayonunun H.Əliyev prospektində Bakı şəhər sakini V.Omarov idarə etdiyi “Ford” markalı avtomobillə yolu keçən 60-65 yaşlı kişini vurub və nəticədə piyada aldığı xəsarətlərdən hadisə yerində ölüb.