Bakıda sərxoş kişini avtomobil vurdu

Bakının Qaradağ rayonunda sərxoş halda yola çıxan şəxsi avtomobil vurub. Avtosfer.az xəbər verir ki, hadisə Lökbatan qəsəbəsində qeydə alınıb.

1989-cu il təvəllüdlü Binyətov Teymur Hikmət oğlu yolun piyadalar üçün müəyyən edilməyən hissəsindən keçərkən onu minik maşını vurub. Yaralı ağır vəziyyətdə sürücünün köməkliyi ilə xəstəxanaya çatdırılıb.

Faktla bağlı Qaradağ Rayon Polis İdarəsinin əməkdaşları araşdırma aparır.