Bakıda işıqforun tələbini pozan avtomobil qəza törədib, xəsarət alanlar var - FOTO - VİDEO

Bakının Yasamal rayonunda yol-nəqliyyat hadisəsi baş verib.

Avtosfer.az xəbər verir ki, hadisə Mətbuat prospekti ilə Bəxtiyar Vahabzadə küçələrinin kəsişməsində qeyd alınıb.

Belə ki, hadisə şahidlərinin verdiyi məlumata görə, “Volkswagen” markalı avtomobilin sürücüsü işıqforun qırmızı işığında keçib.

Bu zaman avtomobil “Mercedes” markalı nəqliyyat vasitəsinə çırpılıb.

Qəza nəticəsində hər iki avtomobil yararsız hala düşüb. “Mercedes” markalı nəqliyyat vasitəsində olan sürücü və sərnişin xəsarət alıb. Yaralılar Kliniki Tibbi Mərkəzinə yerləşdirilib.

Faktla bağlı Yasamal Rayon Polis İdarəsinin əməkdaşları araşdırma aparır.

apa