Bakıda taksi qəzaya uğrayıb - FOTO - VİDEO

Bakının Nərimanov rayonunda yol qəzası baş verib.

APA xəbər verir ki, hadisə Həsən Əliyev küçəsində baş verib.

Belə ki, taksi fəaliyyəti ilə məşğul olan sürücü idarə etdiyi “KİA” markalı avtomobillə yol hərəkəti qaydalarını pozaraq əks yola çıxıb.

Daha sonra maşın beton maneəyə çırpılıb.

Qəza nəticəsində sürücü xəsarət alıb.

Faktla bağlı əraziyə Yol Patrul Xidmətinin əməkdaşları cəlb edilib.