Bakının Nəsimi rayonunda yol-nəqliyyat hadisəsi baş verib.

APA xəbər verir ki, hadisə İlqar Cümşüdov və Mirmahmud Kazımovski küçələrinin kəsişməsində qeydə alınıb.

Hadisə şahidlərinin sözlərinə görə, “Toyota” markalı avtomobili idarə edən sürücü qəfil eyni istiqamətdə hərəkətdə olan eyni markalı avtomobilin qarşısına çıxıb.

Toqquşma o qədər güclü olub ki, idarəetmədən çıxan “Toyota” yolayrıcı betona, daha sonra yol nişanına çırpılaraq dayanıb.

Qəza zamanı bir nəfər xəsarət alıb.

Hadisə yerinə Nəsimi Rayon Polis İdarəsinin əməkdaşları cəlb ediliblər.

Faktla bağlı avtotexniki ekspertiza təyin edilib.