![Gəncədə zəncirvari qəza - Xəsarət alanlar var](/upload/news/small/2075160.jpeg)
Bakıda "uçan" avtobus zəncirvari qəza törətdi; 1 ölü, 9 yaralı
![Bakıda "uçan" avtobus zəncirvari qəza törətdi; 1 ölü, 9 yaralı](/upload/news/8eeb54.jpg)
Paytaxtın Sabunçu rayonunda baş verən zəncirvari yol qəzasında bir nəfər ölüb, 9 nəfər yaralanıb. Daxili İşlər Nazirliyinin (DİN) mətbuat xidmətindən Avtosfer.az-a verilən məlumata görə, fevralın 25-də saat 19 radələrində Sabunçu qəsəbəsinin ərazisində müəyyən edilməmiş avtomobillə yolu keçən Bakı şəhər sakini Hüseynağa Umudov vurulmuş və nəticədə piyada hadisə yerində ölüb. Hadisə baş verərkən eyni istiqamətdə hərəkətdə olan 4 avtomobil sürətini azaltdığından arxadan gələn Bakı şəhər sakini Əlixan Şirəliyev idarə etdiyi “Daewoo” markalı 160 saylı xətt avtobusu ilə onları vurub. Nəticədə avtomobillərdə olmuş 9 nəfərə xəstəxanada ilkin tibbi yardım göstərildikdən sonra buraxılıblar. DİN-in Təhlükəsiz Şəhər Xidməti və Sabunçu rayon Polis İdarəsi 12-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş “Ford” markalı avtomobilin sürücüsü - Bakı şəhər sakini Fərhad Fərzəliyev tutulub. Faktla bağlı Sabunçu RPİ tərəfindən araşdırma aparılır.