Yasamalda yorğun sürücü avtomobili dirəyə çırpıb  - VİDEO - FOTO

Bakının Yasamal rayonunda yol qəzası baş verib.

APA xəbər verir ki, hadisə Nərimanov prospektində qeydə alınıb.

Seymur Hüseynov idarəetməsində olan “Audi” markalı nəqliyyat vasitəsilə yüksək sürətlə beton arakəsməyə çırpılıb. Daha sonra avtomobil işıq dirəyinə dəyərək dayanıb. Sürücü yüngül bədən xəsarətləri alıb. S.Hüseynov bildirib ki, o göz yorğunluğundan əziyyət çəkdiyi üçün məlum hadisəni törədib.

Əraziyə Bakı Şəhər Baş Polis İdarəsinin Dövlət Yol Polisi İdarəsinin əməkdaşları cəlb edilib. Sürücünün izahatı alınıb. Yol təsərrüfatına vurulan zərər hesablanıb.