Bakıda yüklə dolu “ZİL” yolun ortasında aşdı - VİDEO

Paytaxtın Səbail rayonunda yol-nəqliyyat hadisəsi baş verib.

Avtosfer.az-ın məlumatına görə, qəza dekabrın 25-də günorta saatlarında Bibiheybət yolunda qeydə alınıb. Belə ki, hərəkətdə olan “ZİL” markalı yük maşını anidən idarəetmədən çıxaraq yola aşıb. Şahidlərin iddiasına əsasən, qəzaya səbəb sürücünün döngəyə yüksək sürətlə girməsi olub. Hadisə nəticəsində xəsarət alan olmasa da yük maşınına maddi ziyan dəyib. Yolda bir müddət sıxlıq yaranıb.

Qeyd edək ki, hadisə yerinə DYP əməkdaşları cəlb olunub. Faktla bağlı araşdırma davam edir. 

Nərmin