Cəlilabadda ailə faciəsi: Ölənlərin sayı artdı - YENİLƏNİB + FOTO

Cəlilabad rayonunda baş verən ağır yol qəzasında ölənlərin sayı iki nəfərə çatıb.

“Report”un Muğan bürosunun məlumatına görə, qəzada yaralanan 1952-ci il təvəllüdlü Talıbov Məcid Abbasqulu oğlu Masallıda özəl xəstəxanaya təxliyə edilən zaman vəfat edib.

Digər üç yaralı isə Masallı rayonunda yerləşən özəl xəstəxanaya köçürülüb.

10:43

Cəlilabad rayonunda ağır yol-nəqliyyat qəzası baş verib.

“Report”un Muğan bürosunun məlumatına görə, hadisə Cəlilabad rayonunun Uzuntəpə kəndi ərazisində qeydə alınıb. Belə ki, hərəkətdə olan “Mercedes-Benz” markalı minik avtomobili “KamAZ” markalı yük avtomobilini aparan evakuatora çırpılıb.

Qəza nəticəsində minik avtomobilində olan bir ailənin üzvləri, Masallı rayon sakinləri - 1952-ci il təvəllüdlü Talıbov Məcid Abbasqulu oğlu, 1992-ci il təvəllüdlü Talıbova Vüsalə, 2010-cu il təvəllüdlü Talıbov Məcid Ramiz oğlu və 2008-ci il təvəllüdlü Talıbov Yusif Ramiz oğlu xəsarət alıb, 1954-cü il təvəllüdlü Talıbova Zümrüd Əlibəy qızı isə vəfat edib.

Yaralılar Cəlilabad Rayon Mərkəzi Xəstəxanasına aparılıb.

Faktla bağlı araşdırma aparılır.