Bayram günlərində yol qəzalarında 242 nəfər ölüb, 7561 nəfər xəsarət alıb

İranda son doqquz gündə yol -nəqliyyat qəzaları nəticəsində 242 nəfər ölüb, 7561 nəfər xəsarət alıb.

Avtosfer.az “Report”a istinadən xəbər verir ki, bu barədə Yol Patrul Xidmətindən bildirilib.

Məlumata görə, hadisələr nəticəsində ən çox ölüm halları Kerman (27), Fars (21), Xorasan-Rəzəvi (20), Sistan və Bəlucistan (20), Xuzistan (15) əyalətlərində qeydə alınıb.

Bildirilib ki, Novruz bayramı günlərində nəqliyyat vasitələrinin ən yüksək hərəkəti Tehran, Əl-Borz, Gilan, Fars, Xorasan-Rəzəvi, Mazandaran, Şərqi Azərbaycan və Xuzistan əyalətlərində olub.