Bayraq meydanı yaxınlığında qəza: sürücü qaçdı

Ötən gecə paytaxtın Səbail rayonunda qəza baş verib.  Avtosfer.az-ın lent.az-a istinadən məlumatına görə, qəza Bayraq meydanının yaxınlığında  qeydə alınıb. Hələlik kimliyi məlum olmayan “Subaru” markalı minik avtomobilinin sürücüsü Qaradağ istiqamətində hərəkətdə olarkən idarəetməni itirib. Nəticədə maşını yol kənarındakı binanın hasarlarına çırpıb. Baş verən qəzada xəsarət alan olmasa da,  avtomobil  yararsız  hala  düşüb. Sürücü  isə,  hadisə  yerindən qaçıb. İlkin araşdırmalar nəticəsində məlum olub ki, qəzanın baş verməsinə sürücünün  avtomobili yüksək sürətlə idarə etməsi və dönmə əməliyyatını düzgün yerinə  yetirməməsi səbəb olub.