Binədə qəza: “VAZ” yük maşınına çırpıldı, sürücü ağır yaralandı - VİDEO

Bakının Xəzər rayonu Binə qəsəbəsində ağır yol qəzası baş verib.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Belə ki, hərəkətdə olan “VAZ-2106” markalı avtomobil, “KamAZ” markalı yük maşınıyla toqquşub. Şahidlərin iddiasına əsasən, qəzaya səbəb “VAZ” sürücüsünün anidən idarəetməni itirməsi olub. Nəticədə yük maşınına çırpılan avtomobil yararsız hala düşüb. Qəza zamanı başından xəsarət alan sürücü xəstəxanaya yerləşdirilib, vəziyyətinin ağır olduğu bildirilir.

Qeyd edək ki, faktla bağlı araşdırma davam edir.

Nərmin