Moped "BMW" ilə toqquşdu mübahisə yarandı - VİDEO

Xətai rayonu Süleyman Vəzirov küçəsində qəza hadisəsi baş verib. Hadisə şahidlərinin Avtosfer.az-a verdiyi məlumata əsasən qəzadan sonra "BMW" markalı, 10-GT-012 dövlət nömrə nişanlı avtomobilin sürücüsü çatdırılma xidmətiylə məşğul olan “Wolt” şirkətinin mopedçisi arasında mübahisə yaranıb.

“BMW”-nin sürücüsü İsmayıl Abbasov Avtosfer.az-a bildirib ki, hadisə əslində moped sürücüsünün günahı ucbatından baş verib. Belə ki, onun nəqliyyat vasitəsi dayanıqlı olan vəziyyətdə moped ona çırpılıb: “Amma buna baxmayaraq, ərazidə müşahidə kamerası olmadığı üçün moped sürücüsü bundan istifadə edir, məni günahkar çıxarmağa çalışır. Lakin hadisə şahidləri onun mənim avtomobilimə çırpıldığını təsdiq edə bilərlər. Moped sürücüsü polisə məndən şikayət edərək, guya mənim günahkar olduğumu və onu vurduğumu iddia edir.”

 Qəza nəticəsində mopedçi yaralanıb. Hadisə yerindən olan görüntüləri təqdim edirik:

Nərminə Əli