"Boeing" təyyarəsində yanğın - VİDEO

İspaniyanın Kastellon de-la Plana şəhərindəki hava limanında “Britiş Eirveys” aviaşirkətinə məxsus "Boeing 747-400" təyyarəsində yanğın olub.

Unikal.org xəbər verir ki, yanğın pilot kabinəsində baş verib.

Hadisə yerinə gələn yanğınsöndürənlər alovu söndürməyə müvəffəq olublar. Səlahiyyətlilərin verdiyi məlumata görə, yanğın nəticəsində xəsarət alan olmayıb, amma laynerə ciddi ziyan dəyib.

Hazırda faktla bağlı istintaq davam edir, yanğının başvermə səbəbi müəyyənləşdirilir.