Buzlu yolda 100-dən artıq maşın toqquşdu - VİDEO

Birləşmiş Ştatlarda qarlı hava şəraiti 100-dən artıq maşının iştirakı ilə zəncirvarı qəzaya səbəb olub. Avtosfer.az-ın APA TV-yə istinadən məlumatına görə, hadisə Nyu-Hempşir ştatında, Eşland şəhəri yaxınlığında baş verib. Səhər saatlarında ştat ərazisinə güclü qar yağıb, yollar buz bağlayıb. Şose yolda yüksək sürətlə hərəkət edən avtomobillərdən biri yoldan çıxaraq dirəyə çırpılıb, nəticədə maşının ardınca gələn 100-dən çox avtomobil bir-birinə dəyərək zəncirvarı qəza törədiblər. Hadisə nəticəsində ən azı bir maşının yandığı bildirilir. Qəza zamanı ciddi xəsarət alan olmayıb.