Dəhşətli qəzadan görüntülər: maşının qapısı ağacda qaldı - FOTO

Bu gün səhər saatlarında Xaçmaz şəhərində ağır yol qəzası baş verib. Heydər Əliyev prospektində minik maşını ağaca çırpılıb. Belə ki, 1988-ci il təvəllüdlü İntizam Bahadur oğlu Mütəllimovun idarə etdiyi “VAZ 2101” markalı avtomobil idarəetməni itirib. Avtomobil yoldan çıxaraq ağaca çırpılıb. Qəza nəticəsində sürücü və onun sərnişini 1983-cü il təvəllüdlü Anar Cəlil oğlu Allahverdiyev ağır yaralanıblar. Hər iki yaralı Xaçmaz Mərkəzi rayon Xəstəxanasına yerləşdiriliblər.

Faktla bağlı Xaçmaz rayon Polis Şöbəsində araşdırma aparılır. APA