Döngəyə sərt girən “Prius” sürücüsü yol kənarındakı maşını divara çırpdı - ANBAAN VİDEO

Sabunçu rayonu Zabrat qəsəbəsində baş vermiş qəzanın görüntüsü anbaan kameraya düşüb.
Avtosfer.az-ın məlumatına görə, hadisə mayın 5-də saat 13:50 radələrində qeydə alınıb. Hərəkətdə olan “Toyoto Prius” markalı maşın minik avtomobiliylə toqquşub. Belə ki, yüksək sürətlə döngəyə girən “Prius” sürücüsü idarəetməni itirir. Nəticədə o, yol kənarında dayanmış avtomobili vurur. Zərbənin təsirindən maşın divara çırpılır və yararsız hala düşür. Maşında sıxışmış vəziyyətdə qalan sürücü və sərnişin yaxınlıqdakı insanların köməyi ilə çıxarılıb.
Qeyd edək ki, video sosial şəbəkədə müzakirələrə səbəb olub. Şahidlərin iddiasına görə, “Prius” sürücüsü avtomobili sərxoş halda idarə edib. Hadisə zamanı avtomobildə olan qadın sərnişinin öldüyü bildirilib.  

Nərmin