Dörd rayonda ağır yol qəzaları - 4 nəfər həlak olub, 8 yaralı var - VİDEO

Ucarda ölümlə nəticələnən yol- nəqliyyat hadisəsi baş verib.

Hadisə rayonun Qazıqumlaq kənd yolunda qeydə alınıb.

Həmin kəndin sakinləri, 34 yaşlı Bəhruz Seyidovun idarə etdiyi minik maşını ilə 39 yaşlı Anar Kərimovun idarə​ etdiyi d​igər bir minik avtomobili toqquşub.

Nəticədə Bəhruz Seyidovun qızı, 3 yaşlı Əsmər Seyidzadə dünyasını dəyişib, 6 yaşlı oğlu isə xəsarət alıb.​ Hadisə zamanı digər  sürücüsü Anar Kərimov da xəsarət alıb və hər 2 yaralı​  Ucar Mərkəzi Rayon Xəstəxanasına yerləşdiriliblər.

Goranboydakı zənzirvari qəzada da 1 nəfər ölüb. Ağır yol-nəqliyyat hadisəsi rayonun Veyisli kəndi ərazisində, körpünün üzərində qeydə alınıb. Üç minik maşınının toqquşması zamanı ağır xəsarət alan 55 yaşlı Mais Bağırov dünyasını dəyişib. Avtomobillərdə olan daha 5 nəfər isə müxtəlif dərəcəli bədən xəsarətləri alaraq Goranboy Rayon Mərkəzi Xəstəxanasına çatdırılıb.

Abşeronda isə avtomobil 64 yaşlı kişini vuraraq öldürüb. Saray qəsəbəsində  Fuad Cavadov idarə etdiyi avtomobillə yolu keçən Şahbaz Əmirovu vurub. 64 yaşlı piyada aldığı xəsarətlərdən hadisə yerində həyatını itirib.

Masallıda da piyada vurulub. Rayonun Ərkivan  qəsəbəsində  Samir Nurəliyev  idarə etdiyi avtomobillə yolu keçən 84 yaşlı Nurəddin Bağırovu vurub. Sürücü piyadanı Masallı Rayon Mərkəzi Xəstəxanasına çatdırıb. Həkimlərin səylərinə baxmayaraq Nurəddin Bağırovun  həyatını xilas etmək mümkün olmayıb.

Bütün faktlarla bağlı araşdırma aparılır.