Ermənistan ordusunun zabiti ağır qəza törədib, piyadanın üstünə çıxıb

Avqustun 26-da Basarkeçər bölgəsində ağır qəza baş verib. Ordu.az xəbər verir ki, bu barədə “Shamshyan.com” nəşri yazıb.

Qeyd olunur ki, 31 yaşlı Artur Minasyan “Volkswagen Golf” avtomobili ilə piyada halında gəzən 38 yaşlı Varsenik Qukasyanı vurub. Sürücü qaçmayıb, zərərçəkmişi avtomobili ilə Vardenis Qarnizonu Xəstəxanasına aparıb.

Yaralı son dərəcə ağır diaqnozla İrəvandakı xəstəxanalardan birinə aparılıb və Ermənistan İstintaq Komitəsinin Baş Hərbi İstintaq İdarəsinin 5-ci Qarnizon İstintaq İdarəsində araşdırma başlanılıb.

Bildirilir ki, Minasyan Ermənistan Müdafiə Nazirliyinin “N” saylı hərbi hissəsində zabit kimi xidmət edir.