Gəlin maşınının qabağını kəsdi, bəxşiş olmadı - görün nələr baş verdi - VİDEO
Hərəkətdə olan gəlin maşınının üzərinə çıxaraq bəxşiş istədi. Türkiyənin Batman bölgəsində lentə alınan görüntülər izləyənləri dəhşətə gətirib. Avtosfer.az atvxəbər-ə istinadən bildirir ki, bəy və gəlin nikah mərasimindən toy məclisinə gedərkən maşın karvanının qarşısı bəxşiş almaq istəyən uşaqlar tərəfindən kəsilib. Lakin pul vermək fikrində olmayan bəy avtomobili işə salıb yoluna davam etmək istədikdə uşaqlardan biri maşının üzərinə çıxaraq əl çəkməyəcəyini deyib. Lakin onun inadı elə özü üçün baha başa gəlib. Çünki baş verənlərdən əsəbləşən bəy yoluna davam edib. Ani bir diqqətsizliyin nə ilə yekunlaşacağını təsəvvür etmək isə çətin deyil. Qeyd edək ki, itkisiz ötüşən hadisə yolda olan avtomobillərdən birinin sürücüsü tərəfindən lentə alınıb. Sosial şəbəkələrə yerləşdirilən görüntülər izləyicilər tərəfindən də qəzəblə qarşılanıb.