Gəmi qəzaya uğradı, 8 nəfər itkin düşdü

Şotlandiyanın şimal sahilləri yaxınlığında Kiprə məxsus yük gəmisi qəzaya uğrayıb. APA-nın İTAR-TASS agentliyinə istinadən verdiyi məlumata görə, gəmidə 8 heyət üzvü olub. Hazırda hadisə yerində axtarış-xilasetmə əməliyyatı aparılır. Əməliyyata xilasedici gəmilər və iki helikopter cəlb olunub. Qəzaya uğrayan gəmidən fəlakət siqnalının verilmədiyi bildirilir. Aşmış vəziyyətdə qalan gəmini yanvarın 3-də yaxınlıqdan keçən bərə aşkar edib.