Gəncədə iki avtomobil toqquşub: 1 YARALI

Gəncədə iki avtomobil toqquşub. Avtofer.az regiontv-yə istinadən xəbər verir ki, hadisə şəhərin Təbriz küçəsində baş verib. VAZ 21 07 markalı avtomobilin sürücüsü 45 yaşlı İsmayıl Mehdiyev Təbriz küçəsi ilə hərəkət edərkən VAZ 21 015 markalı avtomobilin sürücüsü 23 yaşlı Kamran Əhmədov qəfildən qarşısına dönüb. Nəticədə hər iki avtomobil toqquşub və səkiyə çıxıb. VAZ 2107 markalı avtomobilin sürücüsü 45 yaşlı İsmayıl Mehdiyev baş nahiyəsindən xəsarət alıb.

Faktla bağlı Gəncə şəhər DYP-i tərəfindən araşdırma aparılır.