Gəncədə “KIA” və “VAZ” toqquşdu, hər ikisi tanınmaz hala düşdü - VİDEO

Gəncədə yol-nəqliyyat hadisəsi baş verib.

Avtosfer.az-ın məlumatına görə, qəza dekabrın 22-də axşam saatlarında qeydə alınıb. Belə ki, hərəkətdə olan 10-SD-024 dövlət nömrə nişanlı “VAZ-2107” markalı maşın, 20-EY-329 dövlət nömrə nişanlı “KIA Sorento” markalı avtomobillə toqquşub. Qəzaya səbəb manevr qaydasının pozulması olub. Nəticədə hər iki nəqliyyat vasitəsinə maddi ziyan dəyib. Xoşbəxtlikdən hadisə zamanı xəsarət alan olmayıb.

Qeyd edək ki, əraziyə DYP əməkdaşları cəlb olunub. Faktla bağlı araşdırma aparılır. 

Nərmin