Gəncədə maşın öncə ağaca, sonra marketə çırpılıb aşdı - VİDEO

Gəncə şəhərində yol-nəqliyyat hadisəsi baş verib.

Avtosfer.az-ın məlumatına görə, qəza axşam saatlarında Əziz Əliyev küçəsində qeydə alınıb. Belə ki, hərəkətdə olan 20-CY-614 dövlət nömrə nişanlı “Mercedes” markalı maşın qəzaya uğrayıb. Şahidlərin iddiasına əsasən, qəzaya səbəb yüksək sürət həddi olub. Nəticədə idarəetmədən çıxan maşın öncə ağaca, ardınca marketə çırpılaraq aşıb. Hadisə zamanı xəsarət alan olmasa da, nəqliyyat vasitəsinə və obyektə maddi ziyan dəyib.

Qeyd edək ki, hadisə yerinə polis əməkdaşları cəlb olunub. Faktla bağlı araşdırma davam edir.

Nərmin