Goranboyda evakuator qəza törədib, daşıdığı avtomobil yararsız hala düşüb - FOTO

Goranboy rayonunda nasaz avtomobili daşıyan evakuator qəza törədib, daşıdığı avtomobil yük yerindən kənara aşaraq yararsız hala düşüb.

Avtosfer.az-ın məlumatına görə, hadisə rayonun Goran qəsəbəsi ərazisində qeydə alınıb.

Üzərində "Mercedes" markalı avtomobil daşıyan evakuator "VAZ -21099" markalı avtomobillə toqquşub.

Nəticədə evakuatorun yük yerində olan nəqliyyat vasitəsi yolun kənarına aşaraq yararsız hala düşüb.

Faktla bağlı araşdırma aparılır.

"Report"