Goranboyda minik maşını motosikletlə toqquşub, 1 nəfər xəsarət alıb

Goranboyda yol-nəqliyyat hadisəsi baş verib. 

APA-nınməlumatına görə, hadisə Bakı-Qazax magistral yolunun rayonun Dəliməmmədli şəhərindən keçən hissəsində qeydə alınıb.

Hərəkətdə olan "VAZ 2106" markalı avtomobil motosikletlə toqquşub. Qəza zamanı motosikletin sürücüsü, 1986-cı il təvəllüdlü Zahid Yüzbaşıyev xəsarət alaraq xəstəxanaya yerləşdirilib. Onun vəziyyətinin kafi olduğu bildirilir.

Hadisə yerinə DYP əməkdaşları cəlb olunub. Faktla bağlı araşdırma aparılır.