Göyçayda 13 yaşlı məktəblinin mağazaya getmək üçün mindiyi maşın ölümünə səbəb oldu - YENİLƏNİB - VİDEO
Göyçay rayonunda yol-nəqliyyat hadisəsinin bəzi detalları məlum olub.
Avtosfer.az -ın xəbərinə görə, bu gün saat 18:00 radələrində Xəlitli kənd sakini, Elton Qasımov idarə etdiyi 23-BN-169 dövlət nömrə nişanlı, VAZ-2106 markalı minik avtomobili Göyçay-Ucar yolunda yoldan çıxararaq hasara çırpılıb.
Hadisə nəticəsində sürücü və mağazaya getmək üçün yolda avtomobili saxladaraq oturan sərnişini, Xəlitli kənd sakini, 2009-cu il təvəllüdlü məktəbli Murad İbrahimov aldıqları ağır xəsarətlər səbəbindən ölüblər.
Faktla bağlı araşdırma aparılır.(APA)
19:42
Göyçay rayonunda ağır yol-nəqliyyat hadisəsi baş verib
Avtosfer.az xəbər verir ki, hadisə Göyçay-Ucar yolunun Xəlitli kəndi ərazisindən keçən hissəsində qeydə alınıb.
Hərəkətdə olan VAZ-2106 markalı maşın yol kənarındakı beton hasara çırpılıb.
Nəticədə maşında olan sürücü - Xəlitli kənd sakini 35 yaşlı Elton Qasımov və sərnişin - Murad adlı şəxs hadisə yerində ölüb.
Faktla bağlı araşdırma aparılır.(Oxu.az)