Göyçayda “Volkswagen” “Priora” ilə toqquşdu: xəsarət alanlar var - FOTO

Göyçayda ağır yol qəzası baş verib, xəsarət alanlar var.

Avtosfer.az xəbər verir ki, hadisə Göyçay-Ucar avtomobil yolunun rayonun Potu kəndindən keçən hissəsində qeydə alınıb.

Belə ki, “Volkswagen” və “Lada Priora” markalı minik avtomobilləri toqquşub. Nəticədə hər iki avtomobilin sürücüsü müxtəlif xəsarətlər alıblar.

Yaralılar təcili tibbi yardım maşınının köməyi ilə Göyçay Rayon Mərkəzi Xəstəxanasına çatdırılıblar.

Faktla bağlı araşdırma aparılır.