Göygöldə avtomobil qaz borusuna çırpıldı; Xəsarət alan var - FOTO

Göygöldə yol-nəqliyyat hadisəsi baş verib.

Avtosfer.az-ın APA-ya istinadən məlumatına görə, Bakı-Qazax magistralının rayon ərazisindən keçən hissəsində “Renault” markalı minik maşını yoldan çıxaraq dərəyə aşıb.

Qəzadan sonra minik maşını qaz xəttinə çırpılıb. Nəticədə qaz xətti sıradan çıxıb, rayonun Hacıməlik qəsəbəsinin bir hissəsinə qazın verilməsində fasilə yaranıb.

Avtomobilin sürücüsü 1968-ci il təvəllüdlü N.Cəfərov xəsarət alaraq xəstəxanaya yerləşdirilib, vəziyyətlərin orta ağır olduğu bildirilir.

Faktla bağlı araşdırma aparılır.