Göygöldə avtomobil sərxoş piyadanı xəstəxanalıq etdi

Göygöl rayonunda 49 yaşlı kişini avtomobil vurub.  

Avtosfer.az-ın məlumatına görə, hadisə rayonun Aşıqlı kəndində qeydə alınıb. 

Hərəkətdə olan VAZ markalı avtomobil yolu keçmək istəyən 1973-cü il təvəllüdlü Mahir Həsənovu vurub.  Piyada dərhal xəstəxanaya çatdırılıb. Həkimlər ilkin tibbi yardım göstərsələr də onun  vəziyyətinin ağır olduğu bildirilir. 

İlkin məlumata görə yolu keçən piyada M.Həsənov hadisə vaxtı sərxoş olub. Faktla bağlı araşdırma aparılır.

Bizim.Media