Göygöldə minik avtomobili mikroavtobusla toqquşub, xəsarət alanlar var

Göygöl rayonunda "VAZ-2106" markalı avtomobillə "Ford" markalı mikroavtobus toqquşub, xəsarət alanlar var.

Avtosfer.az-ın məlumatına görə, hadisə Göygöl şəhər ərazisində qeydə alınıb.

Avtomobil qəzası zamanı "VAZ-2106" markalı avtomobildə olan, 1998-ci il təvəllüdlü E.Əhmədov və onun həmyaşıdı E.Məmmədov xəsarət alıb.

Hər ikisi xəstəxanaya yerləşdirilib.

Qeyd edək ki, mikroavtobusda sərnişin olmayıb.

Faktla bağlı araşdırma aparılır.

"Report"