Hacıqabulda qadını öldürüb qaçdılar

Bakı-Qazax yolunda piyadanın ölümü ilə nəticələnən yol-nəqliyyat hadisəsi baş verib. Avtosfer.az xəbər verir ki, Baş Dövlət Yol Polisi İdarəsindən APA-ya verilən məlumata görə, gecə saatlarında Bakı-Qazax yolunun 133-cü kilometrliyində naməlum avtomobillə vurulan şəxsin meyiti aşkar edilib. Hələlik kimliyi müəyyənləşdirilməyən şəxsin meyiti Şirvan şəhər morquna yerləşdirilib. Hadisəni törətmiş avtomobilin axtarışları istiqamətində istintaq əməliyyatları davam etdirilir. Şirvan şəhər morquna yerləşdirilən şəxsin Şəki şəhərində anadan olmuş, Bakı şəhəri Türkan qəsəbəsinin sakini, 1959-cu il təvəllüdlü Rüstəmova Zibeydə İsgəndər qızı məxsus olduğu aydınlaşdırılıb. Hadisəni törətmiş avtomobilin axtarışları istiqamətində isə istintaq-əməliyyat tədbirləri davam etdirilir. Faktla bağlı BDYPİ-də cinayət işi başlanıb, araşdırma aparılır.