Hollivud ulduzu təyyarə qəzasına düşdü - FOTO

Məşhur Hollivud aktyoru Harrison Ford ABŞ-da kiçik mühərrikli təyyarənin qəzaya uğraması nəticəsində ciddi xəsarət alıb. Avtosfer.az Rusiya mətbuatına istinadən verdiyi xəbərə görə, bu barədə TMZ nəşri məlumat yayıb.  

Məlumata görə, 72 yaşlı aktyorun idarə etdiyi təyyarə Los-Anceles şəhəri ətrafında qolf meydançasına çırpılıb. Jurnalistlər baş nahiyəsindən çoxlu sayda ciddi zədələr almış Fordun ağır vəziyyətdə xəstəxanaya aparıldığını bildiriblər.

Qəzaya uğrayan hava nəqliyyat vasitəsinin  İkinci Dünya Müharibəsi dövründən qalmış Ryan PT-22 Recruit tipli təyyarə olduğu bildirilir.